ਸੜਕ ਕੰਢੇ ਰੱਖੇ ਮਧੂਮੱਖੀਆਂ ਦੇ ਡੱਬੇ ਚੁੱਕਣ ਦੀ ਮੰਗ

ਮਲਸੀਆਂ (ਭੁਪਿੰਦਰ ਸਿੰਘ ਖਾਲਸਾ)-ਮਲਸੀਆਂ ਤੋਂ ਲੋਹੀਆਂ ਤੱਕ ਕਿਸਾਨ ਭਰਾਵਾਂ ਵੱਲੋਂ ਸੂਰਜ ਮੁਖੀ ਦੀ ਖੂਬ ਫਸਲ ਬੀਜੀ ਹੋਈ ਹੈ ਤੇ ਲੁਧਿਆਣੇ ਦੇ ਇਕ ਵਪਾਰੀ ਵੱਲੋਂ ਆਪਣੇ ਸੁਆਰਥ ਨੂੂੰਮੁੱਖ ਰੱਖਦਿਆਂ ਤੇ ਲੋਕ ਹਿੱਤਾਂ ਨੂੰ ਭੁਲਦਿਆਂ ਜਰਨੈਲੀ ਮਾਰਗ ਮਲਸੀਆਂ-ਲੋਹੀਆਂ (ਫਿਰੋਜ਼ਪੁਰ) ਦੇ ਸੜਕ ਦੇ ਕਿਨਾਰੇ ਹਜ਼ਾਰਾਂ ਮਧੂਮੱਖੀਆਂ ਦੇ ਡੱਬੇ ਬਿਨਾਂ ਕਿਸੇ ਮਨਜ਼ੂਰੀ ਤੋਂ ਰੱਖੇ ਹੋਏ ਹਨ। ਇਸ ਸਬੰਧੀ ਪੱਤਰਕਾਰਾਂ ਨੂੰ ਸਾਂਝੇ ਤੌਰ 'ਤੇ ਦੱਸਦੇ ਹੋਏ ਸੰਤ ਬਾਬਾ ਬਲਵੀਰ ਸਿੰਘ ਜੀ ਦੇ ਸੇਵਕ ਸੇਟੀ ਭਾਜੀ, ਮਾਸਟਰ ਮਨਵੀਰ ਸਿੰਘ ਮਲਸੀਆਂ ਤੇ ਸਰਪੰਚ ਜਗਤਾਰ ਸਿੰਘ ਚੱਕ ਚੇਲਾ ਨੇ ਕਿਹਾ ਕਿ ਇਹ ਮੱਖੀਆਂ ਸਕੂਟਰ-ਸਾਈਕਲ ਦੇ ਗੱਡੀਆਂ 'ਤੇ ਜਾ ਰਹੇ ਲੋਕਾਂ ਦੇ ਅਚਾਨਕ ਡੰਗ ਮਾਰ ਦਿੰਦੀਆਂ ਹਨ ਤੇ ਕਿਸੇ ਸਮੇਂ ਵੀ ਭਿਆਨਕ ਹਾਦਸੇ ਹੋ ਸਕਦਾ ਹੈ। ਲੋਕਾਂ ਦੀ ਪੁਲਿਸ ਪ੍ਰਸ਼ਾਸਨ ਤੇ ਐਸ. ਡੀ. ਐਮ. ਸ਼ਾਹਕੋਟ ਤੋਂ ਮੰਗ ਹੈ ਕਿ ਲੋਕਾਂ ਦੀ ਇਸ ਸਮੱਸਿਆ ਵੱਲ ਧਿਆਨ ਦਿੱਤਾ ਜਾਵੇ।


http://www.S7News.com