ਸੜਕ ਹਾਦਸੇ ’ਚ ਨੌਜਵਾਨ ਦੀ ਮੌਤ-ਦੋ ਜ਼ਖ਼ਮੀ

ਬਟਾਲਾ (ਪੱਤਰ ਪ੍ਰੇਰਕ)-ਤੇਜ਼ ਰਫਤਾਰ ਟਰੱਕ ਨੇ ਅੱਜ ਤੜਕਸਾਰ ਇਕ ਰੇਤ ਵਾਲੀ ਟਰੈਕਟਰ-ਟਰਾਲੀ ਨੂੰ ਜਬਰਦਸਤ ਫੇਟ ਮਾਰ ਦਿੱਤੀ। ਇਸ ਸੜਕ ਹਾਦਸੇ 'ਚ ਇਕ ਨੌਜਵਾਨ ਦੀ ਮੌਤ ਹੋ ਜਾਣ ਦੇ ਨਾਲ-ਨਾਲ ਦੋ ਹੋਰ ਵਿਅਕਤੀਆਂ ਦੇ ਜ਼ਖਮੀ ਹੋਣ ਦੀ ਖਬਰ ਮਿਲੀ ਹੈ। ਮਿਲੀ ਜਾਣਕਾਰੀ ਅਨੁਸਾਰ ਰੇਤ ਨਾਲ ਲੱਦੀ ਹੋਈ ਇਕ ਟਰਾਲੀ ਨੂੰ ਟਰੈਕਟਰ ਚਾਲਕ ਸਮੇਤ ਦੋ ਮਜ਼ਦੂਰ ਨੌਜਵਾਨ ਨਜ਼ਦੀਕੀ ਕਸਬੇ ਤੋਂ ਸਵੇਰੇ ਤੜਕਸਾਰ ਬਟਾਲਾ ਸ਼ਹਿਰ ਨੂੰ ਆ ਰਹੇ ਸਨ। ਜਦ ਉਕਤ ਟਰੈਕਟਰ, ਟਰਾਲੀ ਅੱਡਾ ਦਿਆਲਗੜ੍ਹ ਬੋਹੜੀ ਮੋੜ 'ਤੇ ਪਹੁੰਚੀ ਤਾਂ ਪਿਛੋਂ ਆ ਰਹੇ ਇਕ ਤੇਜ਼ ਰਫਤਾਰ ਟਰੱਕ ਨੇ ਜਬਰਦਸਤ ਟੱਕਰ ਮਾਰ ਦਿੱਤੀ। ਜਿਸ ਕਰਕੇ ਟਰਾਲੀ 'ਤੇ ਸਵਾਰ 32 ਸਾਲਾ ਨੌਜਵਾਨ ਕਾਬਲ ਸਿੰਘ ਪੁੱਤਰ ਦਰਸ਼ਨ ਸਿੰਘ ਵਾਸੀ ਪਿੰਡ ਕੋਟਲੀ ਭਾਨ ਸਿੰਘ ਉਛਲ ਕੇ ਸੜਕ 'ਤੇ ਡਿੱਗ ਪਿਆ ਅਤੇ ਇਸ ਹਾਦਸੇ 'ਚ ਟਰੱਕ ਨੇ ਉਕਤ ਨੌਜਵਾਨ ਕਾਬਲ ਸਿੰਘ ਨੂੰ ਕੁਚਲ ਦਿੱਤਾ।

ਮੌਕੇ 'ਤੇ ਹੀ ਕਾਬਲ ਸਿੰਘ ਦੀ ਦਰਦਨਾਕ ਮੌਕੇ ਹੋ ਜਾਣ ਦੇ ਨਾਲ-ਨਾਲ ਟਰੈਕਟਰ-ਟਰਾਲੀ 'ਤੇ ਸਵਾਰ ਦੋ ਹੋਰ ਨੌਜਵਾਨ ਵੀ ਹੇਠਾਂ ਡਿੱਗਣ ਨਾਲ ਜ਼ਖਮੀ ਹੋ ਗਏ। ਮੌਕੇ 'ਤੇ ਪਹੁੰਚੀ ਪੁਲਿਸ ਪਾਰਟੀ ਨੇ ਲਾਸ਼ ਨੂੰ ਆਪਣੇ ਕਬਜ਼ੇ 'ਚ ਲੈ ਕੇ ਪੋਸਟ ਮਾਰਟਮ ਲਈ ਸਿਵਲ ਹਸਪਤਾਲ ਭੇਜ ਦਿੱਤਾ ਹੈ ਅਤੇ ਟਰੱਕ ਨੂੰ ਆਪਣੇ ਕਬਜ਼ੇ ਵਿਚ ਲੈ ਕੇ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ, ਜਦ ਕਿ ਟਰੱਕ ਚਾਲਕ ਮੌਕੇ ਤੋਂ ਫਰਾਰ ਹੋ ਗਿਆ।
http://www.S7News.com