ਪ੍ਰਭਾਕਰਨ ਦਾ ਕਾਲਾ ਅਧਿਆਏ ਖਤਮ

ਕੋਲੰਬੋ- ਸ਼੍ਰੀਲੰਕਾ ਵਿੱਚ ਤਮਿਲਾਂ ਲਈ ਅਲੱਗ ਰਾਜ ਦੇ ਗਠਨ ਲਈ ਚੱਲੇ ਭਿਆਨਕ ਹਿੰਸਕ ਅੰਦੋਲਨ ਦੇ ਪ੍ਰਧਾਨ ਲਿਬਰੇਸ਼ਨ ਟਾਈਗਰਸ ਆਫ਼ ਤਮਿਲ ਇਲਮ (ਲਿੱਟੇ) ਪ੍ਰਮੁੱਖ ਵੇਲੁਯਪਿੱਲਈ ਪ੍ਰਭਾਕਰਨ ਦੇ ਕੱਲ੍ਹ ਸੈਨਾ ਦੇ ਹੱਥੋਂ ਮਾਰੇ ਜਾਣ ਦੇ ਨਾਲ ਹੀ 70000 ਤੋਂ ਜਿਆਦਾ ਜਾਨਾਂ ਲੈਣ ਵਾਲੇ 30 ਸਾਲ ਪੁਰਾਣੇ ਵਿਦਰੋਹ ਦੇ ਅਧਿਆਏ ਦਾ ਅੰਤ ਹੋ ਗਿਆ. ਦੁਨੀਆ ਵਿੱਚ ਆਤਮਘਾਤੀ ਹਮਲਿਆਂ ਦੀ ਸ਼ੁਰੂਆਤ ਕਰਨ ਵਾਲੇ ਸੰਗਠਨ ਕਹੇ ਜਾਣ ਵਾਲੇ ਲਿੱਟੇ ਦੇ ਅੰਦੋਲਨ ਨੇ ਨਾ ਸਿਰਫ਼ ਭਾਰਤ ਦੇ ਸਾਬਕਾ ਪ੍ਰਧਾਨਮੰਤਰੀ ਰਾਜੀਵ ਗਾਂਧੀ ਬਲਕਿ ਅਨੇਕਾਂ ਸਿੰਹਲੀ ਅਤੇ ਤਮਿਲ ਨੇਤਾਵਾਂ ਦੀ ਵੀ ਬਲੀ ਦਿੱਤੀ ਹੈ.

ਸੈਨਾ ਦੇ ਬੁਲਾਰੇ ਨੇ ਦੱਸਿਆ ਕਿ ਵਿਸ਼ੇਸ਼ ਬਲਾਂ ਨੇ 54 ਸਾਲਾ ਪ੍ਰਭਾਕਰਨ ਨੂੰ ਘੇਰੇਬੰਦੀ ਨਾਲ ਨਾਟਕੀ ਢੰਗ ਨਾਲ ਨਿੱਕਲਣ ਦੀ ਕੋਸ਼ਿਸ਼ ਕਰਦੇ ਸਮੇਂ ਮਾਰ ਦਿੱਤਾ.ਰੱਖਿਆ ਸਕੱਤਰ ਜੀ. ਰਾਜਪਕਸ਼ੇ ਨੇ ਕਿਹਾ ਕਿ ਅਸੀਂ ਯੁੱਧ ਦਾ ਸਫ਼ਲ ਅੰਤ ਕਰ ਦਿੱਤਾ ਹੈ. ਸੈਨਾ ਪ੍ਰਮੁੱਖ ਲੈਫਟੀਨੈਂਟ ਜਨਰਲ ਸ਼ਰਦ ਫੋਂਸੇਕਾ ਨੇ ਦੇਸ਼ ਦੇ ਉੱਤਰੀ ਖੇਤਰਾਂ \'ਚ ਸਭ ਯੁੱਧ ਅਭਿਆਨਾਂ ਦੇ ਅੰਤ ਦੀ ਘੋਸ਼ਣਾ ਕਰਦੇ ਹੋਏ ਕਿਹਾ ਕਿ ਹੁਣ ਪੂਰਾ ਦੇਸ਼ ਅੱਤਵਾਦ ਤੋਂ ਮੁਕਤ ਹੋ ਗਿਆ ਹੈ.

ਲਿੱਟੇ ਪ੍ਰਮੁੱਖ ਦੇ ਪੁੱਤਰ ਚਾਰਲਸ ਐਂਥਨੀ ਅਤੇ ਸੰਗਠਨ ਦੇ ਤਿੰਨ ਹੋਰ ਨੇਤਾਵਾਂ ਪੋਟਟੂ, ਅੰਮਾਨ ਸੂਸਾਈ ਅਤੇ ਨਾਦੇਥਣ ਦੀਆਂ ਲਾਸ਼ਾਂ ਬਰਾਮਦ ਕੀਤੀਆਂ ਜਾਣ ਦੀਆਂ ਰਿਪੋਰਟਾਂ ਦੇ ਦੌਰਾਨ ਪ੍ਰਭਾਕਰਨ ਦੀ ਮੌਤ ਦੀ ਖ਼ਬਰ ਆਈ. ਸੈਨਾ ਦੇ ਸੂਤਰਾਂ ਨੇ ਦੱਸਿਆ ਕਿ ਪ੍ਰਭਾਕਰਨ ਅਤੇ ਉਸਦੇ ਮੁੱਖ ਸਹਿਯੋਗੀਆਂ ਨੇ ਇੱਕ ਬਖਤਰਬੰਦ ਵਾਹਨ ਰਾਹੀਂ ਭੱਜਣ ਦੀ ਕੋਸ਼ਿਸ਼ ਕੀਤੀ ਸੀ.ਇਸ ਦੌਰਾਨ ਵਿਸ਼ੇਸ਼ ਦਲ ਦੇ ਜਵਾਨਾਂ ਨਾਲ ਕਰੀਬ ਦੋ ਘੰਟੇ ਤੱਕ ਚੱਲੀ ਮੁੱਠਭੇੜ ਵਿੱਚ ਦਾਗੇ ਇੱਕ ਰਾਕੇਟ ਨੇ ਪ੍ਰਭਾਕਰਨ ਅਤੇ ਉਸਦੇ ਸਾਥੀਆਂ ਦੇ ਖਾਤਮੇ ਦੇ ਨਾਲ ਹੀ ਲੜਾਈ ਦਾ ਵੀ ਅੰਤ ਕਰ ਦਿੱਤਾ.
http://www.S7News.com