ਮਖੂ (ਪੱਤਰ ਪ੍ਰੇਰਕ)-ਬੀਤੀ ਰਾਤ ਮਖੂ-ਲੋਹੀਆਂ ਰੋਡ 'ਤੇ ਮਖੂ ਤੋਂ ਚਾਰ ਕਿਲੋਮੀਟਰ ਦੀ ਦੂਰੀ 'ਤੇ ਪੈਂਦੇ ਪਿੰਡ ਚੱਕੀਆਂ ਦੇ ਨਜ਼ਦੀਕ ਖਡੂਰ ਸਾਹਿਬ ਲੋਕ ਸਭਾ ਹਲਕੇ ਤੋਂ ਕਾਂਗਰਸੀ ਉਮੀਦਵਾਰ ਰਾਣਾ ਗੁਰਜੀਤ ਸਿੰਘ ਦੇ ਪ੍ਰਚਾਰ ਲਈ ਆਏ ਉਨ੍ਹਾਂ ਦੀ ਖੰਡ ਮਿੱਲ ਦੇ ਮੁਲਾਜ਼ਮਾਂ ਦੀ ਬਲੈਰੋ ਗੱਡੀ ਦੀ ਇਕ ਟਰੈਕਟਰ-ਟਰਾਲੀ ਵਿਚ ਸਿੱਧੀ ਟੱਕਰ ਹੋ ਜਾਣ ਨਾਲ ਤਿੰਨ ਵਿਅਕਤੀਆਂ ਦੀ ਮੌਕੇ 'ਤੇ ਮੌਤ ਹੋ ਗਈ।
ਪਰਮਜੀਤ ਸਿੰਘ ਪੁੱਤਰ ਅਜੈਬ ਸਿੰਘ ਵਾਸੀ ਪਿੰਡ ਭੱਟ ਪਤਨ, ਸ੍ਰੀ ਹਰਗੋਬਿੰਦਪੁਰ ਜ਼ਿਲ੍ਹਾ ਗੁਰਦਾਸਪੁਰ ਵੱਲੋਂ ਪੁਲਿਸ ਨੂੰ ਦਿੱਤੇ ਗਏ ਬਿਆਨਾਂ ਦੇ ਮੁਤਾਬਿਕ ਰਾਣਾ ਸ਼ਗੂਰ ਮਿੱਲ ਬੁੱਟਰ ਸਿਵੀਆਂ ਦੇ ਮੁਲਾਜ਼ਮ ਬੀਤੀ ਰਾਤ ਬਲੈਰੋ ਗੱਡੀ ਨੰਬਰ ਯੂ.ਪੀ. 21ਵੀ-2635 'ਤੇ ਜੋਗੇਵਾਲਾ ਤੋਂ ਆਪਣੇ ਇਕ ਕਾਂਗਰਸੀ ਸਮਰਥਕ ਨੂੰ ਮਿਲ ਕੇ ਵਾਪਸ ਮਖੂ ਆ ਰਹੇ ਸਨ ਕਿ ਪਿੰਡ ਚੱਕੀਆਂ ਦੇ ਨਜ਼ਦੀਕ ਸਾਹਮਣੇ ਤੋਂ ਆ ਰਹੇ ਰੇਤਾ ਨਾਲ ਭਰੇ ਸਵਰਾਜ ਟਰੈਕਟਰ-ਟਰਾਲੀ ਨੇ ਬਲੈਰੋ ਨੂੰ ਸਿੱਧੀ ਟੱਕਰ ਮਾਰ ਦਿੱਤੀ, ਜਿਸ ਨਾਲ 3 ਜਾਣਿਆਂ ਦੀ ਮੌਤ ਹੋ ਗਈ।
http://www.S7News.com
Subscribe to:
Post Comments (Atom)
No comments:
Post a Comment