ਢੋਲਵਾਹਾ ਡੈਮ ’ਚ ਤਿੰਨ ਨੌਜਵਾਨ ਰੁੜ੍ਹੇ

ਹੁਸ਼ਿਆਰਪੁਰ (ਪੱਤਰ ਪ੍ਰੇਰਕ)-ਪਿੰਡ ਢੋਲਵਾਹਾ ਦੇ ਡੈਮ ਵਿਚ ਤਿੰਨ ਨੌਜਵਾਨਾਂ ਦੇ ਪਾਣੀ ਵਿਚ ਡੁੱਬ ਜਾਣ ਕਾਰਨ ਮੌਤ ਹੋ ਜਾਣ ਦਾ ਸਮਾਚਾਰ ਹੈ। ਜਾਣਕਾਰੀ ਅਨੁਸਾਰ ਅੱਜ ਦੁਪਹਿਰ ਤੋਂ ਬਾਅਦ ਮਨਪ੍ਰੀਤ ਸਿੰਘ ਉਰਫ ਮਨੂੰ (18) ਪੁੱਤਰ ਅਨੰਦ, ਸ਼ਿੰਦਾ (16) ਪੁੱਤਰ ਦਿਲਬਾਗ ਸਿੰਘ, ਪਰਮਿੰਦਰ ਸਿੰਘ ਉਰਫ ਹਨੀ (19) ਪੁੱਤਰ ਗੁਰਦੀਪ ਸਿੰਘ ਆਸੀਆਨ ਪਿੰਡ ਪੰਡੋਰੀ ਸੂਮਲਾ, ਜ਼ਿਲ੍ਹਾ ਹੁਸ਼ਿਆਰਪੁਰ ਆਪਣੇ ਦੋਸਤ ਤਜਿੰਦਰ ਸਿੰਘ ਦੀ ਕਾਰ 'ਤੇ ਸਵਾਰ ਹੋ ਕੇ ਪਿੰਡ ਢੋਲਵਾਹਾ ਤੋਂ ਪਿੰਡ ਕੂਕਾਨੇਟ ਦੀ ਸੜਕ ਤੋਂ ਕਰੀਬ 6 ਕਿਲੋਮੀਟਰ ਦੂਰ ਗਏ। ਉਥੋਂ ਡੈਮ ਵੱਲ ਨੂੰ 200 ਮੀਟਰ ਕੱਚੇ ਰਸਤੇ 'ਤੇ ਜਾ ਕੇ ਕਾਰ ਖੜ੍ਹੀ ਕਰ ਦਿੱਤੀ ਅਤੇ ਆਪ ਤਿੰਨੋਂ ਹੀ ਕਰੀਬ 250 ਫੁੱਟ ਦੀ ਉਚਾਈ ਤੋਂ ਇਕ ਖ਼ਤਰਨਾਕ ਡੰਡੀ ਰਾਹੀਂ ਡੈਮ ਵਾਲੇ ਪਾਣੀ ਵੱਲ ਉਤਰ ਗਏ। ਉਨ੍ਹਾਂ ਦੇ ਇਥੋਂ ਮਿਲੇ ਕੱਪੜਿਆਂ ਤੋਂ ਉਨ੍ਹਾਂ ਦੇ ਰੁੜ੍ਹ ਜਾਣ ਦੀ ਪੁਸ਼ਟੀ ਹੋਈ। ਜਾਣਕਾਰੀ ਅਨੁਸਾਰ ਇਹ ਤਿੰਨੋਂ ਦੋਸਤ ਹਰਿਆਣਾ ਵਿਖੇ ਆਪਣੇ ਕਿਸੇ ਦੋਸਤ ਦੇ ਘਰ ਸਮਾਗਮ ਵਿਚ ਸ਼ਾਮਿਲ ਹੋਣ ਲਈ ਗਏ ਸਨ ਤੇ ਅਚਾਨਕ ਉਥੋਂ ਗਾਇਬ ਹੋ ਗਏ ਜਦ ਕਾਫੀ ਦੇਰ ਵਾਪਸ ਨਹੀਂ ਆਏ ਤਾਂ ਤਜਿੰਦਰ ਸਿੰਘ ਉਰਫ ਸੰਨੀ ਨੇ ਉਨ੍ਹਾਂ ਦੀ ਤਲਾਸ਼ ਸ਼ੁਰੂਕੀਤੀ। ਉਹ ਉਨ੍ਹਾਂ ਨੂੰਲੱਭਣ ਲਈ ਡੈਮ 'ਤੇ ਗਏ ਤਾਂ ਉਨ੍ਹਾਂ ਦੀ ਗੱਡੀ ਅਤੇ ਕੱਪੜੇ ਦੇਖੇ, ਜਿਸ ਦੀ ਸੂਚਨਾ ਉਸ ਨੇ ਡੈਮ ਦੇ ਦਫ਼ਤਰ ਦਿੱਤੀ।

ਸੂਚਨਾ ਮਿਲਦੇ ਸਾਰ ਹੀ ਥਾਣਾ ਹਰਿਆਣਾ ਦੇ ਐਸ.ਐਚ.�". ਸ: ਹਰਜੀਤ ਸਿੰਘ ਪੁਲਿਸ ਪਾਰਟੀ ਸਮੇਤ ਮੌਕੇ 'ਤੇ ਪਹੁੰਚ ਗਏ ਅਤੇ ਖ਼ਬਰ ਲਿਖੇ ਜਾਣ ਤਕ ਮੱਛੀ ਫੜਨ ਵਾਲੇ ਠੇਕੇਦਾਰਾਂ ਦੀ ਕਿਸ਼ਤੀ ਤੇ ਹੋਰ ਤੈਰਾਕਾਂ ਦੀ ਮਦਦ ਨਾਲ ਨੌਜਵਾਨਾਂ ਦੀ ਲਾਸ਼ਾਂ ਲੱਭਣ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਸੀ। ਇਸ ਘਟਨਾ ਵਾਲੀ ਥਾਂ 'ਤੇ ਡੁੱਬਣ ਵਾਲੇ ਨੌਜਵਾਨਾਂ ਦੇ ਪਰਿਵਾਰ ਵਾਲੇ ਪਹੁੰਚ ਗਏ ਹਨ।
http://www.S7News.com