Wednesday, April 29, 2009

ਦਲੇਰ ਮਹਿੰਦੀ ਹਰਸਿਮਰਤ ਦੀ ਮਦਦ ’ਤੇ ਆਏ

ਮਾਨਸਾ (ਪੱਤਰ ਪ੍ਰੇਰਕ)-ਪ੍ਰਸਿੱਧ ਪੌਪ ਗਾਇਕ ਦਲੇਰ ਮਹਿੰਦੀ ਸ਼੍ਰੋਮਣੀ ਅਕਾਲੀ ਦਲ ਭਾਜਪਾ ਗਠਜੋੜ ਦੀ ਲੋਕ ਸਭਾ ਹਲਕਾ ਬਠਿੰਡਾ ਤੋਂ ਉਮੀਦਵਾਰ ਬੀਬੀ ਹਰਸਿਮਰਤ ਕੌਰ ਬਾਦਲ ਦੇ ਹੱਕ 'ਚ ਆ ਡਟੇ ਹਨ। ਸ੍ਰੀ ਮਹਿੰਦੀ ਜਿਨ੍ਹਾਂ ਨੂੰ ਨੇੜਿਓਂ ਵੇਖਣ ਲਈ ਲੋਕੀਂ ਉਮੜ ਕੇ ਪਹੁੰਚਦੇ ਹਨ, ਉਥੇ ਉਨ੍ਹਾਂ ਵੱਲੋਂ ਵੱਖਰੇ ਲਹਿਜੇ 'ਚ ਕੀਤਾ ਜਾਂਦਾ ਭਾਸ਼ਣ ਅਤੇ ਗੀਤਾਂ ਨੂੰ ਵੀ ਵੋਟਰ ਧਿਆਨ ਨਾਲ ਸੁਣਦੇ ਹਨ। ਬੀਤੀ ਸ਼ਾਮ ਦਲੇਰ ਮਹਿੰਦੀ ਮਾਨਸਾ ਸ਼ਹਿਰ ਦੇ ਵਾਰਡ ਨੰਬਰ 20 'ਚ ਪਹੁੰਚੇ ਅਤੇ ਉਨ੍ਹਾਂ ਨੇ ਆਪਣੇ ਇਕ ਦੋ ਗੀਤ ਵੀ ਸੁਣਾਏ ਅਤੇ ਵੋਟਰਾਂ ਨੂੰ ਬੀਬੀ ਹਰਸਿਮਰਤ ਕੌਰ ਬਾਦਲ ਦੇ ਹੱਕ 'ਚ ਵੋਟਾਂ ਪਾਉਣ ਲਈ ਵੀ ਪ੍ਰੇਰਿਆ। ਚੋਣ ਜਲਸੇ ਨੂੰ ਟਰੱਕ ਯੂਨੀਅਨ ਮਾਨਸਾ ਦੇ ਪ੍ਰਧਾਨ ਮਲਕੀਤ ਸਿੰਘ ਭਪਲਾ, ਵਾਰਡ ਦੀ ਐਮ. ਸੀ. ਸਰਬਜੀਤ ਕੌਰ, ਜਥੇਦਾਰ ਗੁਰਦੀਪ ਸਿੰਘ ਦੀਪ ਅਤੇ ਕਈ ਹੋਰਾਂ ਨੇ ਵੀ ਸੰਬੋਧਨ ਕੀਤਾ।
http://www.S7News.com

No comments:

 
eXTReMe Tracker