ਕਰਾਚੀ- ਪਾਕਿਸਤਾਨ ਦੇ ਸ਼ਹਿਰ ਕਰਾਚੀ ਵਿਚ ਬੀਤੇ ਦੋ ਦਿਨਾਂ ਵਿਚ ਜਾਤੀ ਹਿੰਸਾ ਵਿਚ ਘੱਟ ਤੋਂ ਘੱਟ 34 ਲੋਕ ਹਲਾਕ ਹੋਏ ਹਨ.ਮਰਨ ਵਾਲਿਆਂ ਵਿਚ ਮੁੱਤਾਹਿਦਾ ਕੌਮੀ ਮੂਵਮੈਂਟ ਦੇ ਪਸ਼ਤੋ ਅਤੇ ਉਰਦੂ ਭਾਸ਼ੀ ਸਮਰਥਕ ਵੀ ਸ਼ਾਮਲ ਹਨ. ਮੀਡੀਆ ਰਿਪੋਰਟਾਂ ਵਿਚ ਕਿਹਾ ਗਿਆ ਹੈ ਕਿ ਐਮਕਿਉਐਮ ਦੇ ਸਮਰਥਕਾਂ ਅਤੇ ਪਸ਼ਤੂਨ ਸਮੂਹ ਦੇ ਮੈਂਬਰਾਂ ਵਿਚਕਾਰ ਸਮੁੱਚੇ ਕਰਾਚੀ ਵਿਚ ਗੋਲੀਬਾਰੀ ਹੋਈ ਜਿਸ ਵਿਚ ਘੱਟ ਤੋਂ ਘੱਟ 34 ਲੋਕ ਹਲਾਕ ਹੋਏ ਹਨ ਜਦੋਂ ਕਿ 40 ਤੋਂ ਵੀ ਵੱਧ ਜ਼ਖਮੀ ਹੋਏ ਹਨ.
ਉੱਤਰੀ ਬੰਦਰਗਾਹ ਸ਼ਹਿਰ ਕਰਾਚੀ ਵਿਚ ਐਮਕਿਉਐਮ ਦੇ ਦੋ ਵਰਕਰਾਂਦਾ ਗੋਲੀ ਮਾਰ ਕੇ ਕਤਲ ਕੀਤੇ ਜਾਣ ਮਗਰੋਂ ਨਸਲੀ ਹਿੰਸਾ ਭੜਕ ਉੱਠੀ ਸੀ.ਡਾਨ ਨਿਊਜ਼ ਦੀ ਖਬਰ ਮੁਤਾਬਕ ਕਰਾਚੀ ਦੇ ਕਈ ਹਿੱਸਿਆਂ ਵਿਚ ਤਣਾਅ ਬਰਕਰਾਰ ਹੈ. ਦੋਵੇਂ ਗੁਟਾਂ ਦੇ ਹਥਿਆਰਬੰਦ ਮੈਂਬਰਾਂ ਦਾ ਟਾਕਰਾ ਹੋਇਆ ਅਤੇ ਇੱਕ ਦਰਜਨ ਤੋਂ ਵੱਧ ਵਾਹਨਾਂ ਅਤੇ ਦੁਕਾਨਾਂ ਨੂੰ ਫੂਕ ਦਿੱਤਾ ਗਿਆ.ਪਾਕਿਸਤਾਨੀ ਰੇਂਜਰਸ ਨੇ ਅੱਜ ਕਰਾਚੀ ਦੀਆਂ ਸੜ੍ਹਕਾਂ ਉੱਪਰ ਗਸ਼ਤ ਕੀਤੀ ਅਤੇ ਉਹਨਾਂ ਨੂੰ ਆਦੇਸ਼ ਦਿੱਤਾ ਗਿਆ ਕਿ ਦੰਗਾਈਆਂ ਨੂੰ ਵੇਖਦੇ ਹੀ ਗੋਲੀ ਮਾਰ ਦਿੱਤੀ ਜਾਵੇ.
ਅਰਧ ਸੈਨਿਕ ਬਲਾਂ ਨੇ 25 ਲੋਕਾਂ ਨੂੰ ਗ੍ਰਿਫਤਾਰ ਕੀਤਾ ਅਤੇ ਉਹਨਾਂ ਦੇ ਕਬਜ਼ੇ ਤੋਂ ਹਥਿਆਰ ਬਰਾਮਦ ਕੀਤੇ.ਤਮਾਮ ਵਿਦਿਅਕ ਅਦਾਰੇ ਬੰਦ ਰਹੇ ਅਤੇ ਹਿੰਸਾ ਪ੍ਰਭਾਵਿਤ ਇਲਾਕੇ ਵਿਚ ਸੁੰਨਸਾਨ ਰਿਹਾ. ਦੁਕਾਨਾਂ ਦੇ ਸ਼ਟਰ ਬੰਦ ਰਹੇ ਅਤੇ ਸੜ੍ਹਕਾਂ ਉੱਪਰ ਵਾਹਨ ਨਦਾਰਦ ਰਹੇ.ਪ੍ਰਧਾਨ ਮੰਤਰੀ ਯੂਸੁਫ ਰਜਾ ਗਿਲਾਨੀ ਨੇ ਸੰਘਰਸ਼ ਦੇ ਕਾਰਣਾਂ ਦੀ ਜਾਂਚ ਦੇ ਆਦੇਸ਼ ਦਿੱਤੇ ਹਨ. ਐਮਕਿਉਐਮ ਦੇ ਗੜ੍ਹ ਕਰਾਚੀ ਵਿਚ ਬੀਤੇ ਕੁਝ ਮਹੀਨਿਆਂ ਵਿਚ ਪਾਰਟੀ ਸਮਰਥਕਾਂ ਅਤੇ ਪਸ਼ਤੂਨ ਸਮੂਹਾਂ ਵਿਚਕਾਰ ਤਣਾਅ ਵਧਿਆ ਹੈ.
http://www.S7News.com
Thursday, April 30, 2009
Subscribe to:
Post Comments (Atom)
No comments:
Post a Comment