Sunday, March 29, 2009

ਵਰੁਣ ਮਾਮਲੇ \'ਤੇ ਸਿੱਬਲ ਵੱਲੋਂ ਅਡਵਾਨੀ ਦੀ ਆਲੋਚਨਾ

ਨਵੀਂ ਦਿੱਲੀ(ਭਾਸ਼ਾ), 28 ਮਾਰਚ 2009 ( 15:29 IST )



ਕਾਂਗਰਸ ਪਾਰਟੀ ਨੇ ਭਾਜਪਾ ਦੇ ਪ੍ਰਧਾਨ ਮੰਤਰੀ ਅਹੁਦੇ ਦੇ ਦਾਅਵੇਦਾਰ ਲਾਲ ਕ੍ਰਿਸ਼ਨ ਅਡਵਾਨੀ ਦੇ ਪੀਲੀਭੀਤ ਤੋਂ ਪਾਰਟੀ ਉਮੀਦਵਾਰ ਵਰੁਣ ਗਾਂਧੀ ਸਿਆਸੀ ਤੁਫਾਨ ਪੈਦਾ ਕਰਨ ਵਾਲੀ ਮੁਸਲਿਮ ਵਿਰੋਧੀ ਟਿੱਪਣੀ ਉੱਪਰ ਚੁੱਪ ਰਹਿਣ ਕਾਰਣ ਉਹਨਾਂ ਦੀ ਆਲੋਚਨਾ ਕੀਤੀ.



ਸੀਨੀਅਰ ਕਾਂਗਰਸ ਆਗੂ ਕਪਿੱਲ ਸਿੱਬਲ ਨੇ ਕਿਹਾ ਕਿ ਜੋ ਕੁੱਝ ਹੋ ਰਿਹਾ ਹੈ, ਖਾਮੋਸ਼ ਅਡਵਾਨੀ ਉਸ ਤੋਂ ਚੰਗੀ ਤਰ੍ਹਾਂ ਜਾਣੂੰ ਹਨ ਕਿਉਂ ਜੋ ਉਹਨਾਂ ਦੀ ਮਰਜੀ ਤੋਂ ਬਿਨਾਂ ਇਹ ਨਹੀਂ ਹੋ ਸਕਦਾ ਸੀ.ਉਹ ਇਸ ਨੂੰ ਅਸਾਨੀ ਨਾਲ ਰੋਕ ਸਕਦੇ ਸਨ.



ਸਿੱਬਲ ਨੇ ਕਿਹਾ ਕਿ ਉਹ ਚਾਹੁੰਦੇ ਹਨ ਕਿ ਇਹ ਮਾਮਲਾ ਜਨਤਾ ਦੀਆਂ ਨਜ਼ਰਾਂ ਵਿਚ ਬਰਕਰਾਰ ਰਹੇ ਅਤੇ ਇਹ ਤਮਾਸ਼ਾ ਚੱਲਦਾ ਰਹੇ.ਉਹਨਾਂ ਦੇ ਬਿਆਨ ਤੋਂ ਕੁੱਝ ਸਮਾਂ ਪਹਿਲਾਂ ਹੀ ਵਰੁਣ ਨੇ ਪੀਲੀਭੀਤ ਦੀ ਅਦਾਲਤ ਵਿਚ ਆਤਮ ਸਮਰਪਣ ਦੀ ਅਰਜ਼ੀ ਲਗਾਈ ਸੀ.



ਵਰੁਣ ਉੱਤਰ ਪ੍ਰਦੇਸ਼ ਦੇ ਪੀਲੀਭੀਤ ਲੋਕਸਭਾ ਹਲਕੇ ਤੋਂ ਆਪਣੇ ਚੌਣ ਕੈਰੀਅਰ ਦੀ ਸ਼ੁਰੂਆਤ ਕਰਨ ਜਾ ਰਹੇ ਹਨ.



ਸਿੱਬਲ ਨੇ ਕਿਹਾ ਕਿ ਇਸ ਨਾਲ ਅਡਵਾਨੀ ਦੇ ਅਕਸ ਉੱਪਰ ਮਾੜ੍ਹਾ ਪ੍ਰਭਾਵ ਪਵੇਗਾ ਕਿਉਂ ਜੋ ਹਿੰਦੂ ਸਮਾਜ ਅਜਿਹੀ ਸਿਆਸਤ ਨੂੰ ਪਸੰਦ ਨਹੀਂ ਕਰਦਾ.ਅਡਵਾਨੀ ਨੂੰ ਚਾਹੀਦਾ ਹੈ ਕਿ ਉਹ ਇਸ ਮਾਮਲੇ ਨੂੰ ਸੋਝੀ ਨਾਲ ਨਿਬਟਾਉਣ.




http://www.SikhPress.com

No comments:

 
eXTReMe Tracker