ਹੈਰਾਨ ਵਸਨੀਕਾਂ ਸਾਹਮਣੇ ਇੱਕ ਕਮਿਉਨਿਟੀ ਪ੍ਰੋਗਰਾਮ ਦੌਰਾਨ ਇੱਕ ਬਜ਼ੁਰਗ ਨੇ ਸਿੰਗਾਪੁਰ ਦੇ ਇੱਕ ਸੰਸਦ ਮੈਂਬਰ ਨੂੰ ਅੱਗ ਲਾ ਦਿੱਤੀ ਜਿਸ ਕਾਰਣ ਉਹ ਗੰਭੀਰ ਰੂਪ ਨਾਲ ਝੁਲਸ ਗਿਆ.
ਸਥਾਨਕ ਮੀਡੀਆ ਖਬਰਾਂ ਵਿਚ ਕਿਹਾ ਗਿਆ ਹੈ ਕਿ ਸੱਤਾਧਾਰੀ ਪੀਪੁਲਸ ਐਕਸ਼ਨ ਪਾਰਟੀ ਦੇ ਸੇਂਗ ਹਾਨ ਥੋਂਗ ਬੀਤੇ ਕੱਲ੍ਹ ਆਪਣੇ ਸੰਸਦੀ ਖੇਤਰ ਵਿਚ ਗਏ ਹੋ ਸਨ ਜਿੱਥੇ 70 ਸਾਲਾ ਇੱਕ ਬਜ਼ੁਰਗ ਨੇ ਉਹਨਾਂ ਉੱਪਰ ਪੇਂਟ ਵਿਚ ਮਿਲਾਉਣ ਵਾਲਾ ਥਿੰਨਰ ਸੁੱਟ ਕੇ ਉਸ ਨੂੰ ਲਾਇਟਰ ਨਾਲ ਅੱਗ ਲਾ ਦਿੱਤੀ.
ਇਸ ਹਮਲੇ ਕਾਰਣ ਸੰਸਦ ਮੈਂਬਰ ਦੇ ਲਾਗੇ ਬੈਠਾ ਇੱਕ ਵਿਅਕਤੀ ਵੀ ਜ਼ਖਮੀ ਹੋ ਗਿਆ.ਪੁਲਿਸ ਨੇ ਦੱਸਿਆ ਕਿ ਆਰੋਪੀ ਸੇਵਾ ਮੁਕਤ ਟੈਕਸੀ ਡ੍ਰਾਇਵਰ ਹੈ ਅਤੇ ਉਹ ਮਾਨਸਿਕ ਰੋਗੀ ਹੈ.
ਉਸ ਨੂੰ ਫੌਰਨ ਗ੍ਰਿਫਤਾਰ ਕਰ ਲਿਆ ਗਿਆ ਅਤੇ ਉਸ ਉੱਪਰ ਖਤਰਨਾਕ ਹਥਿਆਰਾਂ ਅਤੇ ਸਾਧਨਾਂ ਰਾਹੀਂ ਗੰਭੀਰ ਰੂਪ ਨਾਲ ਨੁਕਸਾਨ ਪੁਜਾਉਣ ਦਾ ਆਰੋਪ ਲਗਾਇਆ ਗਿਆ ਹੈ.ਹਸਪਤਾਲ ਸੂਤਰਾਂ ਮੁਤਾਬਕ ਸੰਸਦ ਮੈਂਬਰ ਦੀ ਹਾਲਤ ਵਿਚ ਸੁਧਾਰ ਹੋ ਰਿਹਾ ਹੈ.
No comments:
Post a Comment